Malo malam
Bienvenue
Sukulu Basaa
- Sukulu i Basaa hala wee yigil i hop u Basaa.
- Hala a nlôl ni pék ni makidig ma bon ba Basaa ba mbenge,
- Di bi ôt mahoñol inyu nog kii i yé sukulu i yigil i hop Basaa.
- Di nôgla le, sukulu Basaa i nhôla le, di niñis hop u Basaa
- Inyu hala nyen di bi kit le di nleege hii mut nu a nsômbôl nigil hop ni mbog Basaa.
- Hop u Basaa, u yé sû u mut, u yé yom i nyégle. I i yé le bon bés,
- ba nlama yig gwélél, kii yag bés, batata ni basôgôl ba bi yigle bés.
- Nyono i mbenge, di noode niñis ni hôlôs i hop u inyule di gwé ju li sukulu, ni ndegi yéé.
- Di gwé balét , di gwé baudu i bôdôl i tetee, i (ke) pam i ndegi i minhôlag i yigil.
- Di nkodba hikii ngwa jôn, inyu ngim sôñ ngélé iba.
- Di mbôdlene i tamla jôl, di noñ tjémbi, i mbus di jôp i yigil i matila, hop ni añ lôñni miñañ.
- Mu ikété, di nkônde minkwel, mi mi yé le mi nhôla i bet ba ntip nigil ni i bet
- ba yé le ba ngwés yighe yigil i hop u Basaa le, ba nog, ba bôdôl meya i bana hilémb hi hop u Basaa.
- Di yé di ke ki di sôk i ndap masak inyu nigil masak ma Basaa.
- Kikii bo isikô, masak ma bisu, ni mana masak mape bo sekele, bo
- lihôngô, bo koo, i basôgôl bés.
Sukulu Basaa i yé inyu
• Yoñ
• Lihaa joñ
• Nwaa woñ
• Bon boñ
• Mawanda moñ
• Me nyis bé le sukulu Basaa i yé sukulu nan
• I ta bé njel i yigil kikii sukulu i bakana
• Bakena sukulu ini ba yé bon ba Basaa.
Sukulu Basaa i nhôla we
Sukulu Basaa i yé hélha jam inyu yoñ, inyule yon i nyilha we ngwélés.
Di nkot ni i ti we bisélél bi bi nhôla we i nigil hop Basaa. I nigil hop Basaa ni njel mintuk, ni yina bés ni bés.
Hikuu hi balét
Hi hôla i nigil hop ni Mbok Basaa, i bog, i kot ni i ti béé bisélél bi bi nhôla béé i nigil hop Basaa, ni i yéñ njel le di yina bés ni bés. Sukulu Basaa i nhôla we i tibil yi hop.
HIKUU HI BALÉT BA SUKULU BASAA !
NDEGI NI BINIIGANA GWAP
Ndegi Sukulu
- "Tetee 1"
- "Tetee 2"
- "ntoñ diséé"
- "minhôlag"…ikb
Di n’nigil i pot basaa ni njel mintuk. Nson ù juu li bibôdlene u ñéba le inyu pot hop, di nla gwélél bititii. I yimbe bibañga bi hop basaa ni i pahal gwo i njel matila. Tjémbi di niñ i man Basaa i njel mahol.
Ndegi i tetee 1
- I yé ndegi bonge ba titigi ni mañ mi bôt mi mi nyi bé hop Basaa.
- I yé ndegi mintuk
- I yé ndegi i yigil bibanga bi basaa
- I yé ndegi i yigil lipahal bibuk
- I yé ndegi yigil i tjémbi
- Di nsélél kaat tetee
Ndegi i tetee 2
- I yé ndegi i baudu ba ba ñnog hop Basaa, ba ñnoode pot, ndi ba nwonyuu.
- I yé ndegi i yigil bibanga bi basaa, i yigil u hop, i yigil i pahal
- I yé ndegi i yigil i matila
- I yé ndegi i gwé miño mi bibuk
- I yé ndegi yigil i tjémbi
- Di nsélél kaat Tetee ni i Ntôñ Diséé.
Ndegi Ntôñ Diséé
- I yé ndegi bonge ba wanda ni mañ mi bôt mi mi ngwés ke i bisu i nigil hop Basaa
- I yé ndegi i yigil i matila ni añ matila
- I yé ndegi i yigil I tibil pahal bibuk ni yigil i bibanga bi ilangal, mambén ma hop, ni njel mintuk
- I yé ndegi yigil i tjémbi
- Di nsélél bikaat : Ntôñ Diséé ni Yigil Basaa.
Ndegi minhôlag
- I yé ndegi i bonge ni mañ mi bôt mi mi mpot Basaa, ni tila bo. Ba gwé miño mi bibuk ba ñnigil.
- I yé ndegi i yigil i lugna mapôdôl ni i nigil i gwélél bibuk bi ilagal ni ngéda i hop.
- I yé ndegi i yigil i ndég mam ma mbok Basaa, ni niñ i bon ba basaa ikété libag jap.
- I yé ndegi i nhôla i hôlôh sukulu ni i nti bo ngui i tila ni i tjek mahoñol ni hop Basaa.
- Di nsélél bikaat bi yigil Basaa ni bini bipe.
Kalénda i sukulu 2025 - 2026
- Di gwé mandap ma sukulu ma’aa
• I Maison du Citoyen i bôdôl ngeñ yada ni pes i ke ipam i ngeñ i na.
• I « Espace Gérard Phillipe » I bôdôl ngeñ ibaa i kepam i ngeñ samal.
- Tjémbi
- Masak ma ISIKÔ
- Minkwel ni Je - Di nla kônde ki sukulu i ndap mbebi ni Google meet.
Bisélél bi Sukulu Basaa
- Hi kikii ñudu a nlama tiba ndun i pot basaa ni balét béé
- Hi kiki ñudu a nlama gwélél bisélél bi sukulu Basaa
- A nlama bana bikaat bi sukulu
- A nlama bana libadô ni séñlét inyu masak.
Makékse
Mintén mi manoodana ni lipeb li mbôgi ñudu a nlama kôsna ikété sukulu Basaa.
1 - Manoodana ma hop
2 - Manoodana ma matila
Mambén ma Sukulu Basaa
Gwom ñudu sukulu a nlama boñ ni nôñôl i boñ le sukulu yéé ke longe.
Yigil lam !
